ما تجي

بقلم :راشد بن عامر السلماني

لا تسأل الليل

عن نور القمر

ولا تسأل الصباح

عن معنى الظلام

برد الطريق يجي ويروح

والقلب يعاتب الروح

وأنت ما تجي

* * *

سافرت احلامك بعيد

تدور عن قلب جديد

رغم بكاء السحاب .. ما ارتويت من العطش

ورغم تكرار الغياب .. ولا مرة قلبك ارتعش

تعب صوتي من نداي

تعب وقال كن معاي

وانت ما تجي

* * *

دورت لك من الفرح اعذار .. وما لقيت عذر

بعثت لك مع الحلم أخبار .. وما جاني خبر

كل الطيور التي معك هاجرت

رجعت الى قلب غصنها ما تأخرت

وانت ضيعت الطريق 

وعرفت انك ما تجي.