بقلم : راشد بن عامر السلماني
تعودت عليك
يمر اليوم .. مثل كل يوم
ويأخذ معه وقتنا
اعاتب حظي والوم
ليش اختفيت وتركتنا
انتظر شوفتك والعين تشتاق
تندمج مشاعرنا وبينها يطول العناق
يسبقني بالخطوة .. حضورك
ويصافح إحساسي .. شعورك
* * * *
تعودت عليك
من طول الإنتظار
خرجت للساحل
خطواتي تتثاقل
حتى الموج ارتفع يعانق خيالك
وغاص كل العتب.. وصل لرمل القاع
والجسر مد ظله يترقب وصالك
واستبشر المكان بصوتك
والتعب لف مع الريح وضاع
* * *
تعودنا وصارت .. شوفت عادة
أعشق كلامك لي .. يا نبع السعادة
تعودت عليك
وتعود الوقت على صبري
تجينا متأخر.. او تجي بدري
تناديني عيونك
قبل لا توصل مكاني
وتسبقني عليك روحي
قبل لا يرحب بك لساني
تعليقات
إرسال تعليق